Rama e Veliaj show në përurimine shkollës “Servete Maçi”

Sot, në nisjen e vitit të ri shkollor, kryeministri Edi Rama dhe kryebashkiaku Erion Veliaj morën pjesë në përurimin e shkollës “Servete Maçi”. Gjatë fjalës së tij, R

Kryeministri Edi Rama gjatë inaugurimit të shkollës “Sevete Maçi” në Tiranë e ka mbyllur fjalimin e tij me një batutë, me të cilin opozita sulmonte dikur ish-kreun e qeverisë, Sali Berisha për faktin që dilte shumë herë në ditë në media.

Por Rama ka thënë sot se nuk do zgjatej në fjalimin e tij dhe se të gjitha ata që i merr malli, mund ta gjejnë edhe në “frigorifer”, se në televizion nuk diskutohet.

“Po ju mori malli do me keni në frigorifer, se ne televizor po e po, nuk diskutohet”, tha Rama duke qeshur.

Kur PS ishte në opozitë përkrahësit e saj ironizonin daljen e Berishës ne televizion: “Hap dollapin del miu, hap televizorin del Saliu”.

Mesazhi për mesuesit

Kreu i qeverisë tha sot se tashmë statusi i mësuesit ka ndryshuar dhe nuk përjashtoi edhe faktin se ende ka probleme për t’u adresuar.

“Meritojnë një falënderim të veçantë prindërit që nuk e pranuan një vendimmarrje të gabuar që të ndërtohej një pallat. Shkolla si një pasuri e përbashkët në terrenin e saj i mbijetoi lakmisë dhe faktikisht ja ku jemi sot. Sot kemi një sistem mësimor më cilësor dhe miqësor me nxënësit. Mbi të gjitha kemi një trupë mësimore të mbrojtur nga sulmet e jashtme të politikës, apo nga kthetrat e politikës, apo nga imponimet e deri djeshme të korrupsionit dhe ryshfetit.

Jo gjithçka është flori, pasi brenda këtij procesi ka elemente që duhet të adresohen. Ka raste që e gjitha shëmtohet nga shkelja e rregullave dhe tejkalimi i kornizës së funksionimit administrativ. Nga marrëdhënie të paligjshme mes individësh. Por nëse shohim sistemin e funksionimit të shkollës sot, kemi status tjetër të mësuesve”, tha Rama.

Rama u shpreh se transformimi i godinës arsimore është i jashtëzakonshëm dhe se askush nuk e mendonte se mund të ndodhte.