Rama jo negociata me studentët

E nisi në Facebook, e vazhdoi në Instagram dhe tani në Twitter.

Edi Rama po kërkon dëshpërimisht një rrugë dalje përballë protestës së studentëve.

Pasi dështoi ta kontrollojë atë me anë të organizatave që e quajnë veten shoqëri civile dhe që Rama i përdor sipas dëshirës, tani po tenton ta politizojë atë.

Me një status në Facebook, Rama mundohet të përfshijë opozitën në protestën e studentëve.

Rama e thotë hapur se nuk kërkon të negociojë me studentët, por kërkon që të dialogojë.

Ja çfarë shkruan Rama në Twitter:

Negociata? Kush po kërkon negociata se unë kërkoj Dialog, jo negociata.

Frikën nga Dialogu e kam parë tek politikanët që sot presin t’i nxjerrin gështenjat nga zjarri duke mos treguar duart.

Mos vallë kush po i pengon studentët me megafon kundër Dialogut bën telefonin e prishur?