Rama propozon këshilltaren e tij në krye të SHISH

Kryeministri Edi Rama ka propozuar një emër për kreun e ri të Shërbimit Informativ Kombëtar.

Rama i ka sugjeruar presidentit Bajram Begaj Vlora Hysenin si drejtoren e re të Shërbimit Informativ Kombëtar.

Këtë lajm e ka bërë të ditur vetë kreu i qeverisë, i cili pretendon se Hyseni ka përgatitje të spikatuar dhe eksperiencë.

“Sot i paraqita Presidentit të Republikës propozimin për emërimin e Znj.Vlora Hyseni drejtore e Shërbimit Informativ Kombëtar, me besimin e plotë se përgatitja e spikatur, eksperienca e krijuar në vite dhe respekti që zonja Hyseni gëzon në komunitetin ndërkombëtar të inteligjencës, përbëjnë një garanci të plotë për reformimin e mëtejshëm të shërbimit inteligjent shqiptar.”, shkruan Rama.