Rama sonte në “Porta a Porta” të Bruno Vespës, Basha i pranishëm me një intervistë

Sonte Kryeministri shqiptar Edi Rama do të jetë në Itali, siç e konfirmoi ai vetë në Twitter. Burimet thonë se kryeministri do të jetë i ftuar në programin televiziv “Porta a Porta” të Bruno Vespës në Rai Uno.

“Në Itali për 24 orë për të mbrojtur Shqipërinë, pas dëmtimit të imazhit ndërkombëtar për shkak të shprehjes së dhunës së turpshme nga 16 shkurt e tutje, çka dëmton investitorët dhe planet e tyre në turizmin që punëson dhe ushqen mijëra njerëz “- shkruante Rama pak orë më parë para se të nisej për në Itali.

Mediat italiane i kanë dhënë vëmendje të veçantë situatës në Shqipëri, protestave të pas dorëheqjeve të deputetëve nga mandatet e tyre të përkufizuara si paqësore, por që sollën në vëmendjen e të huajve foto dhe video të dhunës në faqet e mediave kryesore evropiane.

Gjithashtu,thonë se debatit këtë mbrëmje në “Porta a Porta” – emision që transmetohet në Rai pa ndërprerje që nga viti 1996 – do të jetë më shumë gjasa edhe lideri i opozitës, Lulzim Basha, hipotezë kjo ende e pakonfirmuar.
Gjithsesi zëra brenda PD-së thonë se Basha ka dhënë një intervistë më parë për këtë emision e cila do të transmetohet ndërsa Rama do të jetë në studio.

Kryeministri foli i pari në seancën parlamentare të kësaj mëngjes, duke iu referuar protestës jashtë parlamentit:

“Unë marr fjalën i pari sepse unë duhet të largohem për të shkuar në anën tjetër të detit dhe t’u shpjegoj fqinjëve italianë ato pamje të tmerrshme.

Ajo që po ndodh sot është vazhdimi i një rruge pa dalje në det, ku e vetmja gjë e re përfaqësohet nga vendimi politik vetëvrasës i udhëheqësve të opozitës. Ne jemi në derën e një sezoni të ri të një seriali të vjetër.”, tha Rama. albanianews