Reagimi i deputetit Çollaku: Deklarata e Berishës e papërgjegjshme!

Demokratët duhet të sakrifikohen sepse Rithemelimi më parë bashkëpunon me Ballën

Deklarata e ish-kryeministrit Sali Berisha në konferencën e përjavshme për mediat për mundësinë e bashkëpunimit me Lulzim Bashën në Kukës ka ngjallur reagime nga PD. 

Anëtari i Kryesisë së PD, deputeti Kreshnik Çollaku e cilëson të papërgjegjshme dhe deklaron se demokratët e Kukësit duhet të sakrifikohen në opozitë sepse Rithemelimi më parë bashkëpunon me Taulant Ballën sesa me pjesën tjetër të PD. 

“Pra demokratët e Kukësit duhet të sakrifikohen në opozitë, duhet të vazhdojnë të durojnë shokët e Safetit në Bashki të Kukësit, sepse Rithemelimi më parë bashkëpunon me Taulant Ballën sesa me pjesën tjetër të PD. E papërgjegjshme…”, deklaron Çollaku.