REAGON THAÇI: DISKUTUAM PËR KUFIJTË, NEVOJË E KORRIGJIMIT TË PADREJTËSIVE HISTORIKE

Me anë të një postimi në ‘Facebook’, Thaçi shkruan se ata kanë diskutuar sërish në lidhje me çështjen e kufijvë, por këtë herë Thaçi thekson se ngritën nevojën e korrigjimit të padrejtësive historike.

Sipas Thaçit, është e domosdoshme hapja e plotë e kufirit Kosovë-Shqipëri dhe krijimi i një hapësire shqiptare pa kufi, nën ombrellën euroatlantike.

‘Sapo zhvillova një takim me kryeministrin e Republikës së Shqipërisë, Edi Rama, ku mes tjerash biseduam për domosdoshmërinë e hapjes së plotë të kufirit Kosovë-Shqipëri dhe krijimin e një hapësire shqiptare pa kufi, nën ombrellën euroatlantike. Në këtë takim ngritëm nevojën e korrigjimit të padrejtësive historike, duke bashkuar faktorin shqiptar rreth sensibilizimit të së drejtës të bashkëngjitjes së Preshevës, Medvegjës dhe Bujanocit me territorin e Republikës së Kosovës’, shkruan Thaçi.