RIKTHIMI I VIZAVE, REAGON KRYEMADHI: GODITJE E RËNDË PËR SHQIPTARËT! DËSHTIM I EDI RAMËS

Në një konferencë për shtyp, Kryemadhi e cilësoi këtë një goditje të rëndë për shqiptarët. Sipas saj mocioni i parlamentit holandez tregon dështimin e qeverisë së Edi Ramës dhe nuk është ndikuar nga protesta e opozitës apo djegia e mandateve.

“Për shtetasit shqiptarë është një goditje e rëndë. Motivacioni është edhe me i rëndë pasi ka të bëjë me sigurinë kombtare të Holandës, e ndikuar nga organizatat kriminale shqiptare. Mocioni i parlamentit holandez vërtet që duhet të kalojë nëpër një procedurë të gjatë, por thelbi nuk është ky. Problemi qëndron diku tjetër. Krimi i organizuar shqiptar, destabilizimi i brendshëm është se krimi është bashkëpunëtori më i ngushtë i qeverisë shqiptare. Holanda e ka ngritur këtë çështje por ka prekur edhe vende të tjera të BE-së. Raporti i DASH e cilëson Shqipërinë si një bazë kriminale. Ky fenomen rrezikon të marrë një proces zinxhirë në debatet e ardhshme në KE. PE konfirmon plotësisht faktin se nuk janë protestat e opozitës apo djegiet e mandateve arsyeja e mos çeljes së negociatave. Shqipëria është baza operacionale e organizatave. Janë po ashtu jo djegia e mandateve por kriteret e paplotësuara të Edi Ramës, nga dështimi i i tij. Ky votim në Parlamentin e Holandës, jo vetëm që i vë dështimit të qeverisë. Për qytetarët shqiptarë ky vendim do të thotë izolim, mungesë e theksuar të investimeve të huaja. Do të thotë mungesë shprese për brezin e ri. Shqipëria ka nevojë për një politikë që ka nevojë ta drejtojë drejt Perëndimit. Këmbanat e alarmit janë shumë pranë veshëve tanë. Nuk ka më kohë për të pritur. Nuk na mbetet më asgjë tjetër vetëm reagim kombëtar”, tha Kryemadhi.