Shkodër/ Basha akuzon Ramën nga zonat e përmbytura :  Po sillet si kriminel

Kreu i opozitës Lulzim Basha, ka vizituar sot zonën e përmbytur të Obotit në Shkodër, ku ka akuzuar sërish kryeministrin Edi Rama.

Gjatë takimit me banorët e zonës, Basha tha se mbështet kërkesën e Bashkisë, deputetëve dhe Këshillit Bashkiak të Shkodrës për shpalljen e emergjencës.

Për përmbytjen, kreu i PD-së fajëson hapjen e portave të shkarkimit në Kaskadën e Drinit.

“Mbështes kërkesën e Bashkisë, deputetëve dhe Këshillit Bashkiak Shkodër për shpalljen e emergjencës. Katastrofa u shkaktua jo nga reshjet, por nga Kaskada e Drinit. Rama po sillet në mënyrë kriminale me banorët te cilët duhet të dëmshpërblehen patjetër!’, shkruan Basha në Facebook.