Shpallet Miss Universe 2017, ja kush është vajza më e bukur në botë

Çmimin e parë të “Miss Universe 2017” e ka marrë bukuroshja nga Afrika e Jugut duke u bërë zyrtarisht, vajza më e bukur në botë. Nel-Peters ka rrëmbyer kurorën mbrëmjen e djeshme gjatë eventit të mbajtur në Las Vegas.

Përveç çmimit të bukurisë, 22-vjeçarja nga Afrika duket se do përfitojë nga e gjithë kjo eksperiencë për të zhvilluar më tej pasionin e saj, të ndihmojë gratë që kanë nevojë të vetëmbrohen dhe të luftojë pabarazinë gjinore.

Trofeun bukuroshja ia ka dedikuar të gjithë njerëzve të vendit të saj të cilët vuajnë nga virusi HIV/AIDS. Ajo është vajza e dytë nga vendi i saj e cila kurorëzohet me një çmim të tillë.