Shqipëria notë proteste për gjuhën e ministrit britanik, mbërrin në Ministrinë e Jashtme ambasadori King-Smith

Ambasadori britanik Alastair King-Smith mësohet se ka mbërritur në Ministrinë e Jashtme në Shqipëri, ku do t’i komunikohet nota e protestës, raporton Balkan Web.

Ministri britanik, Robert Jenrick, me ane te nje postimi ne Twitter tha se po punojne për te larguar emigrantët e paligjshëm shqiptare.

“Ne po punojmë gjatë gjithë kohës për të larguar emigrantët e paligjshëm shqiptarë dhe shkelësit e shtetasve të huaj. Dje vizitova një qendër imigracioni për të parë fluturimet tona javore për në Shqipëri dhe për të falënderuar stafin për punën e tyre vendimtare për të zbatuar kufijtë tanë dhe për të na mbajtur të sigurt.

Të gjejnë shqiptarët, t’i ndalojnë ata, t’i çojnë në aeroport dhe t’i kthejnë në Tiranë. Jo vetëm këta emigrantët e paligjshëm por edhe kriminelë të rrezikshëm që kanë qenë të dënuar për drogë”, u shpreh ai në një video të publikuar më 13 janar.

Pas kësaj deklarate, ministrja e Jashtme, Olta Xhaçka reagoi ashpër duke thënë: “Tej mase e tronditur kur dëgjoj një Ministër Shteti përgjegjës për emigracionin të përdori një gjuhë të tillë vetëm për disa vota. “Gjeni shqiptarin, ndaloni shqiptarin”!

Një linçim verbal ndaj një kombi të tërë në një gjuhë që tingëllon sikur ministri po shpall sezonin e hapur për shqiptarët vetëm disa javë pas Komunikatës së Përbashkët mes Kryeministrit të Republikës së Shqipërisë dhe atij të Britanisë së Madhe ku vlerësuan rolin e diasporës shqiptare në Britani dhe kontributin e saj të rëndësishëm në kulturë,ekonomi dhe shoqërinë e të dy vendeve.

Veçim i turpshëm i një komuniteti nga një ministër me parime demokratike që sjell kujtime të tmerrshme me një brutalitet të padurueshëm.”