Shtëpia me gjethe, selia e partise se re…

Albina Deda

Që prej krijimit të saj PD-së i janë krijuar shumë skizma të cilat kanë rezultuar jo vetëm të pa suksesshme por dhe investime diversive. Mes tyre ka pasur elementë që pasi kanë mësuar të vertetën e hidhur të pazareve të pista i janë riatashuar trungut qendrestar demokrat dhe vijojnë të pakompleksuar kontributin e tyre në secilen insistancë të partisë.

Këto ditë po lexoj shumë për një parti të re me eksponentë në moshë politike e njerezore nga radhët e PD-së. Per aq sa mesojme jane emra që nuk kanë as platformë as moral politik të paraqiten tek asnjë shtresë e asnjë kah politik. Argumenti është i thjeshtë dhe kushdo e din edhe pse ngurojnë ti japin zë! Pikërisht këta njerëz të cilët emër e pasuri i gjetën në oborrin e PD-së,sikundër dhe ofiqe shtetërore e partiake plot bujari, janë ata të cilet në 2013 dhe vijimësisht i kanë shkaktuar PD-se gjëmën e traumën e pamerituar.

Ata janë njerëzit që abuzuan e u pasuruan duke shkaktuar përfoljen e partisë së vlerave të lirisë. Ata mbollën nepotizmin,arrogancën,frymën meskine klanore,paaftësinë dhe tani e mbyllën me antivlerën më të  madhe për një shqiptar:Pabesinë. Ata në këtë situatë si dhe sistematikisht prej shumë kohësh janë qerasur e investuar,janë blerë e intimiduar për tu përdorur deri në këtë partizë. Partiza e tyre cilido qoftë nominimi është e qartë për nga misioni e intensioni: Krijimi i një fryme mosbesimi te lidershipi aktual duke prerë aq sa munden hovin e shpirtin opozitar i cili sot perballë Narkoshtetit duhet të jetë në zenithin e vet.

Per mua dhe ç’do demokrat qendrestar ky largim e kjo skizme e radhes nuk eshte gje tjeter vetem vetpastrim. Ata nuk perfaqesojne asgje biles as vetvehten. Ju siguroj se si dikur nje kandidat per kryebashkiak i ndare nga PD-, nen nje sigel tjeter nuk mori as voten e gruas dhe ndoshta kjo u be shkas per divorc. Nenteksti i kesaj partie eshte krijimi i nje tymnaje qe ujqerit e çakejte e Rilindjes te gjuajne prene e radhes: Kokaine,hashash,koncesion..etj. Ustallaret e rilindjes dhe laboratori i zi i sigurimit mbledh sa here i nevojiten ate kontigjent te hershem qe jane viktima te pseudonimit.

Për këtë jam e bindur, ndaj selia e kësaj partize te re le t’ju jepet nga Edvin Rama, pikërisht “Shtëpia me gjethe”.