Si po pasurohen oligarkët e landfilleve të Ahmetajt e Gjiknurit, kush janë “kamikazët” e Rilindjes nën petkun qeveritar

Bëhet fjalë për transportin e interteve dhe dherave që nxirren nga sheshet e ndërtimit, shkatërrimit të objekteve dhe ndërtimit të kullave. Siç shkruan Pamfleti, ky proces është kapur banditisht nga banda e 3 landfilleve “Zoto”. Për të maskuar biznesin, është dhënë leje mjedisore nga ministri Blendi Klosi,ndërsaZoto përdor Klodian Mërtirin, i cili është familjar me deputetin Hyseni dhe Benard Nallbanin, familjar i një pronari mediash që është ndërtues.

Fillimisht ndërtuesve u bëhet presion shtetëror nga Mërtiri e më pas Nallbani i tremb me sulme në media. Kjo skemë është propozuar nga Arben Ahmetaj, Damian Gjiknuri dhe Lefter Koka, dhe gjithashtu është miratuar një VKM në 2015-ën. Mërtiri dhe Nallbanidisponojnë listën e firmave ndërtuese që kanë marrë leje në KRRT nga 61 bashkitë dhe shkojnë e u thonë se po punojnë për bosët e shtetit. Kush kundërshton mer ndëshkimin nga trekëndëshi Bashki-IKMT-Mjedis, që godet me sekuestro, gjoba e shkatërrim objektesh.

Edhe pse çmimi zyrtar i transportit të mbetjeve është 228 lekë/m3, pronarët dhe ndërtuesit paguajnë deri në 440-500 lekë/m3. “Kamikazët” Mërtiri dhe Nallbani kanë marrë miratimin anti-ligjor nga bashkitë, banzuar në ligjin për integrimin e mbetjeve. Edhe nëse firmat e ndërtimit nuk duan t’i transportojnë dherat me këtë kompani, paguajnë dorazi tarifën e volumit. Për këtë arsye, në 5 qytetet e sipër përmendura, intertet figurojnë të evaduara (transportuara) për llogari të 3 landifilleve të “Integrated Energy B.V”, kur ekzistojnë edhe 334 subjekte të tjera që kryejnë këtë aktivitet.