SKANDALI i radhës/ Wizz air pasi i zbret nga avioni i lë pasagjerët 14 orë në aeroport.

Përditësuar më 3 June 2023, 20:09

Pasagjerët e Wizz Air u përballën edhe kesaj here me një përvojë të pakëndshme sot gjatë itinerarit të tyre nga Katania në Tiranë.

Udhëtarët pritnin të niseshin në orën 9 të mëngjesit dhe të mbërrinin në orën 10 e 20, por gjatë hyrjes në avion, u bënë tërheqje me arsyetim se ka defekt në aeroplan.

Pas kësaj, ata nuk morën asnjë informacion derisa u njoftuan se do të nisin në orën 21, me një vonesë prej 12 orësh. Kjo nuk ishte konfirmuar zyrtarisht. Më pas, në ekran u shfaq lajm se ndoshta do të nisnin drejt Tiranës në orën 23 e 30, pra në mesnatë. Shumica e udhëtarëve ishin nxënës shkollash dhe të moshuar. Askush nuk i dha shpjegime ose sqarime. Dhe kjo situatë e pakëndshme e pritjes dhe mungesës së komunikimit njerëzor u përballuan dhjetëra shqiptarë në aeroport. Është një situatë që të turpëron dhe që përsëritet e përsëritet në kohë dhe aeroporte të ndryshme por vetëm me pasagjerët shqiptarë.