SPAK dhe GJKKO urdhër arresti, për gazetarët Artan Hoxha dhe Elton Qyno

Përditësuar më 25 November 2024, 13:24

SPAK ka lëshuar ditën e sotme dy urdhër arreste, për gazetarët e kronikës së zezë Elton Qyno dhe Artan Hoxha.

Bëhet me dije se mbi gazetarin Hoxha rëndon akuza si anëtar i organizatës kriminale. Për të dy gazetarët e njohur ka një vendim gjykate për “arrest shtëpiak”.

Ndërsa, për gazetarin Elton Qyno është akuza e korrupsionit dhe është vendosur masa detyrim paraqitje.

Ky operacion i SPAK është drejtuar nga prokurori Vladimir Mara.

Mëngjesin e sotëm, skuadra të BKH-së, me urdhër të kreut të SPAK, Altin Dumanit, dhe prokurorit Vladimir Mara, kanë ushtruar kontrolle në banesat e disa gazetarëve në Tiranë. Aksioni zhvillohet në kuadër të një procedimi penal që ende mbetet misterioz, duke ngritur pikëpyetje serioze mbi synimet dhe transparencën e këtij veprimi.

Në mesin e atyre që janë prekur nga kjo goditje është gazetari i njohur Elton Qyno, banesa e të cilit në Astir u kontrollua në prani të dy djemve të tij të mitur, duke shkaktuar tronditje në familje.