“Studentët nxorrën në pension klasën politike”, Metës i vihet ultimatumi nga Kryeministria

Përditësuar më 17 December 2018, 15:58

Pedagogu i Universitetit të Arteve, Pëllumb Vopsi nga protesta e studetëve para Kryeministrisë i ka vënë ultimatumin presidentit Ilir Meta, që të shpallë gjendjen e jashtëzakonshme për Arsimin në Shqipëri.

 Unë jam Pëllumb Vopsi, pedagog në Universitetin e Arteve. Kam një kërkesë jo për kryeministrin, por për presidentin që ta shpallë gjendjen e Arsimit në Shqipëri, emergjencë kombëtare. Le t’i shpallë studentët shqiptarë nderi i kombit. Jeni ju që rrëzuat komunizmin, jeni ju që po rrëzoni neokomunizmin”- ka vazhduar më tej gjatë fjalës së tij pedagogu.

Ndër të tjera gjatë fjalës së tij ai u ka thënë studentëve se ata kanë nxjerrë në pension të parakohshëm gjithë klasën politike në Shqipëri.