STUDENTËT PROTESTË POSHTË ZYRËS SË TIJ, RAMA KONFERENCË NË KRYEMINISTRI

Në Kryeministri ndodhen përfaqësues të Komitetit Manival të KE, trupë monitoruese për pastrimin e parave të paligjshme.

Ky komitet ka sjellë raportin për Shqipërinë lidhur me luftën kundër pastrimit të parave, që sipas Ramës ka sjellë rezultate pozitive.

“Për të gjitthë ata që nuk e dinë Komiteti ‘Manival’ i Këshillit të Europës, është trupë e përhershme monitoruese që vlerëson përputhshmërinë e një sistemi ligjor të një shteti me standarde ndërkombëtare të pastrimit të parave si dhe detyra për të lënë rekomandime për autoritetet shtetërore për parandaliminn dhe luftimin e këtyre fenomeneve. Është folur kaq shumë për luftën e qeverisë për pastrimin e parave ku janë shitur edhe copëza letrash nxjerrë nga materiale të rëndomta, saqë ky raport vjen vërtet në kohën e duhur si një dokument që sjell integritet që duke u krahasuar me vlerësimin e mëparshëm të bërë nga ky komitet na vendos në një pozicion të mirë për të qenë krenar për punën që kemi bërë, por të kuptojmë që puna e bërë është e pamjaftueshme”, tha Rama.