Sulmet e PD ndaj KPK-së, reagon Edi Rama: Loja mbaroi, tani…

Kryeministri Edi Rama ka reaguar sot ndaj sulmit të fundit të PD-së ndaj Kolegjit të Posaçëm të Kualifikimit lidhur me seancën gjyqësore ndaj Ardian Dvoranit.

Përmes një statusi në faqen e tij në Facebook, Rama i quan fletërrufe sulmet e opozitës, ndërkohë që thotë se gjykata Kushtetuese dhe ajo e lartë do të ringrihen pas shkarkimit të anëtarëve të tyre.

“Vetingu po vepron në pavarësi të plotë e monitorim ndërkombëtar. Fletërrufetë kundër Vetingut janë dëshpërimi i atyre që e mbushën me llum Pallatin e Drejtësisë! Loja mbaroi. Gjykatat e sipërme do pastrohen deri në fund e do ringrihen për ta bërë më në fund drejtësinë Drejtësi”, shkruan Rama.