Tani që po ikën , Rama nxjerr gënjeshtar ambasadorin Lu, sy më sy, në publik

Kryeministri Edi Rama, gjatë aktivitetit, ‘Forca e ligjit në veprim: arritje dhe sfida’, e ka injoruar fare hapur ambasadorin në ikje, Donald Lu, i cili akuzoi policinë dhe prokurorinë për dështim total në rastin e Klement Balilit.

Lu deklaroi, se nuk ka pasur aftësi ose vullnet nga qeveria dhe policia, për të arrestuar Klement Balilin.

Por kreu i qeverisë ju përgjigj flakë për flakë, duke e përgënjeshtruar ambasadorin që e përdori në kohët e tij më të vështira dhe hodhi plotësisht poshtë, konstatimin e tij.

‘Policia shqiptare e ka garantuar, që paprekshmëria e individit nuk ekziston më, duan apo nuk duan ta pranojnë shqiptarët apo të huajt’, përgënjeshtroi Rama ambasadorin e SHBA, i cili me detyrën e re në Kirgistan nuk i hyn më në punë.

Rama gjithashtu u justifikua, se Klement Balili ishte një lidhje politike dhe ishte drejtor, ndaj nuk u arrestua, ‘por sot është në kërkim, e në bashkëpunim me partnerët me herët se vonë do të kapet, edhe pse nuk është e lehtë, si tregojnë edhe vendet e tjera për role të tilla që kanë lidhje të forta në territorin e vendeve ku jetojnë’.