U HAKMORRËN SHPEJT NDAJ VAJZËS SË AZEM HAJDARIT, PD ME DY STANDARTE, NUK PËRJASHTON KËTË DEPUTET QË HYRI NË KUVEND

Alban Zeneli, nga lista e PD-së së Kukësit, vendosi të pranojë mandatin e deputetit, shkruan newsbomb.al.

Por ndërsa në rastin e Myslym Murrizit apo vajzës së Azem Hajdarit, Rudina Hajdari, PD veproi menjëherë duke i përjashtuar nga partia, nuk ka vepruar njësoj me Zenelin.

Alban Zeneli nuk është përjashtuar nga Partia Demokratike. Kujtojmë se në Kongresin e Fundit, Zeneli ishte në listën e Bashës si kandidat për Këshillin Kombëtar edhe pse nuk rezultoi fitues.

Megjithatë, kandidimi mjafton për të kuptuar që deputeti i ri i Kukësit ishte një nga të preferuarit e Bashës.

Nga ana e PD nuk ka asnjë shpjegim zyrtar se pse është lënë nën hije vendimi për Zenelin në një kohë që për Rudina Hajdarin e Myslym Murrizin është vepruar me shpejtësi.