Vdiq brenda pusetës në Shkodër ndërsa po punonte, familja nuk i rrit dot dy fëmijët jetimë

Një punonjës i Ujësjellësit në Shkodër humbi jetën një vit më parë ndërsa ishte në krye të detyrës pasi u asfiksua nga gazi toksik brenda pusetës.

Kleotos Çeliku la pas dy djem jetim të cilët po rriten me shumë vështirësi që pas vdekjes së babait të tyre. Familjarët e 34-vjeçarit kanë kërkuar disa herë drejtësi për djalin e tyre mirëpo askund nuk kanë gjetur zgjidhje.

Të vendosur para dhimbjes dhe vështirësisë financiare për të rritur dy fëmijët e vegjël familjarët kanë bërë thirrje për ndihmë.

Daja i tij Fatos Hasaj dhe e ëma e viktimësSanije Çeliku kërkojnë ndihmë për t’i rritur dy djemtë.

Familja e tyre mbahej vetëm me rrogën e Kleotosit dhe me dy lopë.

Ata thonë se po tentohet të fshihet ajo ngjarje dhe të mos zbardhet e vërteta  e vdekjes së të riut.

Daja i Kleotosit tregon se nipi i tij punonte pa asnjë lloj kushti thuajse ndërsa shpesh herë e ka këshilluar që të ndërronte punë për shkak të rrezikshmërisë.

Por nipi i kishte thënë se nuk kishte ku të shkonte pasi ishte mundësia e vetme.

E ëma dhe daja kanë thënë për Panorama:

Kemi kërkuar disa herë drejtësi dhe mbështetje financiare por askush nuk ka reaguar, institucionet kanë heshtur.”