Veliaj i “rrëmben” tokën për Treg në Lundër, Policia shoqëron pronarin Ramazan Leci

Me nxehjen e fushatës elektorale, po del gjithnjë e më shumë në pah angazhimi i Policisë së Shtetit në krah të kandidatit të Partisë Socialiste për Tiranës, Erion Veliaj.

Kryebashkiaku në detyrë ka prezantuar si një prej pikave kryesore të tij në fushatë elektorale ngritjen e një tregu fruta-perimesh në Lundër.

Por, kjo ide e Veliajt dëmton drejtpërdrejtë interesat e pronarit të ligjshëm të truallit ku është vendosur të ngrihet tregu, Ramazan Leci.

Familjarët e Lecit deklaruan se Bashkia po ia merr tokën pronarit, pa kryer më parë shpronësimin publik sipas legjislacionit në fuqi.

Gjithnjë sipas familjarëve, Ramazan Leci ka kërkuar paraditen e sotme zbatimin e ligjit dhe respektimin e tij si pronar legjitim.