Vendimi për Dritan Dajtin/ Meta reagon pas thirrjes së ambasadorit të BE: Duhet …

Një ditë pas apelit të fortë të Ambasadorit te BE në Tiranë, qe kerkoi vlerësim urgjent nga KLGJ dhe Prokurori i Përgjitshëm, lidhur me vendimin e marre nga Apeli i Krimeve të Rënda për Dritan Dajtin që e shpetoi nga burgu perejte, ka reaguar presidenti i vendit, Ilir Meta.

Ne nje prononcim per mediat, Meta theksoi domosdoshmerine urgjente te nje hetimi te thelle. 

Zoti President a keni një koment për vendimin e Gjykatës së Apelit që e zhbënë vendimin me burgim të përjetshëm për Dritan Dajtin dhe e dënon atë me 25 vite burg?
Presidenti Meta: Mbështes fuqimisht reagimin dhe thirrjen e ambasadorit të Bashkimit Europian, zoti Soreca, që KLGJ-ja dhe Prokuroria e Përgjithshme të vihen në lëvizje për të vlerësuar dhe për të verifikuar dhe hetuar çështjen në fjalë.

Apeli i ambasadorit 

Në një postim në Twitter, Luigi Soreca ka shkruar: Vendimi i Gjykatës së Apelit për zvogëlimin e dënimit të të pandehurit të dënuar për vrasjen e 4 policëve bën thirrje për vlerësim urgjent nga KLGJ dhe Prokurori i Përgjithshëm. Reforma në drejtësi është e pakthyeshme dhe do të mbulojë të gjitha nivelet e juridiksionit.

***

Pyetur nga media, per rrezimin e dy kandidaturave te zgjedhura prej tij per kreun e KLSH, e nese do te jete kandidature e trete Anastas Angjeli, pas zerave qe kane dale per te, Meta ka dhene kete pergjigje:

‘Unë jam i bindur që të gjitha zgjidhjet dhe propozimet e Presidentit të republikës synojnë forcimin e institucioneve të pavarura, dhe gjithmonë këtë gjë do të synojnë. Synojnë forcimin e sundimit të ligjit në vend dhe jo të sundimit të shumicave”.