Vetëm përpara kurrë më prapa…

Hysni Gurra

Po u kthyem prapa do të thotë që në krye të vendit të kemi njeriun që është në pushtet prej 23 vjetësh ( dy vjet ministër Kulture, 11 vjet kryebashkiak i Tiranës dhe 10 vjet kryeministër.

Kurrë më prapa sepse do të thotë që çdo ditë të paguajmë 90 mijë euro në ditë për termocentrale që nuk prodhojnë energji dhe 80 mijë euro në ditë për inceneratorë që nuk ekzistojnë.

Kurrë më prapa sepse do të thotë që në krye të vendit të jetë një njeri që shemb Teatrin Kombëtar, shemb biznesë private, shkatërron biznese të huaja dhe detyrohemi të paguajmë 120 milionë euro për tekat e tij (rasti Beketi)

Kurrë më prapa do të thotë që në krye të vendit të mos jetë më njeriu që korruptoi deri edhe shefin e FBI,…

Kurrë më prapa do të thotë që në krye të vendit të mos jetë njeriu që do të bëj edhe kryeministrin, edhe drejtuesin e medias, edhe gjyqtarin, edhe prokurorin, edhe noterin, edhe opozitën…

Kurrë më prapa do të thotë që SPAK të mos ketë më frikë të merret me njerëz që kanë abuzuar (të faktuar) qindra milionë euro.

Kurrë më prapa që Shqipëria të mos kanabizohet si në kohën e Edi Ramës

Kurrë më prapa do të thotë që shqiptarët të mos ikin më qindra mijëra siç kanë ikur këto 10 vite.

Kurrë me prapa që Shqipëria të mos rrijë me vite në dyert e BE për të hapur negociatat, por të integrohet plotësisht

Kurrë më prapa do të thotë që shqiptarët të mos vidhen, grabiten, poshtërohen çdo ditë nga një klikë që motiv të vetëm ka pasurimin e vetes.

Kurrë më prapa do të thotë që në krye të qyteteve dhe vendit të kemi njerëz që nuk janë peng i mafies dhe krimit të organizuar!

Kurrë më prapa do të thotë të marrim në duar tona drejtimin e qyteteve dhe vendit.

Të marrim në dorë qeverisjen e Tiranës, Durrësit, Elbasanit, Korçës, Lezhës…