VIDEO/ Tensione te protesta e “Unazës së Re”, makina goditet me shqelma

Pas rreth 1 ore, mbyllet protesta te ‘Unaza e Re”. Banorët kanë lajmëruar se do të protestojnë sërish nesër në orën 17.  Ka nisur me tensione protesta te “Unaza e Re” në Tiranë.

Banorët janë vendosur në të dyja asket e rrugës pranë mbikalimit në këtë zonë, duke bllokuar qarkullimin e mjeteve. Ndërkohë që, disa drejtues mjetesh të bllokuar kanë kërkuar të kalojnë.

Një mjet tip “BMW” tentoi të kalojë, megjithatë për disa momente u bllokua nga protestuesit, që goditën me shkelma automjetin. Më tej, tensionet u shuan dhe mjeti u la të kalonte.

Momenti i përplasjes

“Fikni makinat”, bashkohuni me ne, ishte thirrja nga megafoni i protestës.

Protesta te “Unaza e Re” vijon prej më shumë se 40 ditësh, ndërsa banorët kundërshtojnë prishjen e banesave të tyre siç e parashikon plani për ndërtimin e aksit nga sheshi “Shqiponja”, te mbikalimi pranë pallatit me shigjeta. Prej disa ditësh, banorë kërkojnë edhe rrëzimin e projektit.

Deputetë të opozitës ishin në mbështetje të protestës.