Vlorë/ Policia kontrolle nẽ pikat kryesore të qytetit, pẽr vrasjen e 41-vjeçarit

Vlora është tronditur mbrëmjen e sotme nga atentat që i mori jetën 41-vjeçarit, Leartiad Lekaj.

“Gjithçka ka nisur në pjesën e pasme të Bibliotekës së Vlorë. Viktima e kishte pikasur se ishte duke u ndjekur, i cili e ka goditur motorin. Më pas ka nisur të shtënat e armëve, viktima ka tentuar të largohet nga vendi ku kanë qenë goditjet. Pak larg zonës së Bibliotekës kanë qenë edhe goditjet e para. Në vendin e ngjarjes ndodhet edhe kokorja e motorit me të cilin lëvizte viktima. Motori është goditur nga makina. Më pas 41 vjeçari ka vijuar rrugën me këmbë dhe makina e ka ndjekur me shpejtësi. Mendohet që është një automjet Audi A6 ka qenë mjeti që e ka ndjekur, ka qenë i maskuar. Janë rreth 100 m dhe në fund 41-vjeçarit i është dhënë goditja fatale”, raportoi gazetari Enrik Mehmeti.

Drejtoria e Policisë së Vlorës, në një komunikim për mediat bëri me dije se aktualisht janë marrë masa për ndjekjen e autorëve, si edhe bllokimin e pikave kryesore të qytetit.

Drejtori për Sigurinë dhe Rendin, Gazment Shehu theksoi se në orët në vijim do të raportohen të tjera detaje për këtë ngjarje të rëndë.