Vrasja në shkollën”Fan Noli”, prindërit në protestë për jetën dhe sigurinë e fëmijëve

Pas vrasjes tragjike të 14-vjeçarit Martin Cani pranë shkollës “Fan Noli”,  në orën 11:00 do të zhvillohet një marshim nga kjo shkollë drejt Ministrisë së Arsimit.

Prindërit dhe qytetarët do të protestojnë për jetën dhe sigurinë e fëmijëve, duke kërkuar masa të vërteta mbrojtëse. Pavarësisht premtimeve për siguri, sistemi ka dështuar dhe incidentet e dhunshme në shkolla po përsëriten. Konfliktet dhe plagosjet ndër nxënës vazhdojnë, duke nxjerrë në pah nevojën për një reagim më të fortë dhe një vizion të qartë për sigurinë në arsim.