Zjarr te “Komuna e Parisit”, banesa përfshihet nga flakët

Një banesë e një pallati është përfshirë nga flakët paraditen e sotme në Tiranë.

Ngjarja ka ndodhur pak momente më parë në kompleksin “Kika 2” në zonën e njohur si “Komuna e Parisit”. Nga pamjet shihen shtëllunga tymi. Zjarrfikësja ndodhet në vendngjarje dhe po punon për shuarjen e zjarrit.

Fatmirësisht nuk ka persona të lënduar, ndërsa banorët janë evakuuar. Paraprakisht dyshohet se shkak është bërë një shkëndijë në paketën elektrike në një zyrë.