Berisha flet për ndryshimet në qeveri/ Rama emëroi përfaqësuesin e Ndragheta-s në Tiranë

Ish-kryeministri Sali Berisha ka folur për emërimet e reja në qeveri.

Gjatë komunikimit të tij me gazetarët, Berisha ka folur për emërimin e Arbian Maznikut si Ministër për Shtetin dhe Pushtetin Vendor.

Sipas Berishës, Mazniku është përfaqësuesi i Ndragheta-s në Tiranë. Berisha the se Mazniku është ikona më e shëmtuar e zyrtarit të babzitur që merrte 12 rroga si nënkryetar bashkie.

“Asambleja ishte me disa dimensione. Në një anë Edi Rama paraqitej aty si krimineli që i kanë kallë datën bashkautorët në krime atij. Nëse e vutë re ai në këtë fjalim, nuk kishte urrejtje për mua, jo. Ai të gjithë urrejtjen e kishte për të vetët. Kujtoni e shiheni edhe njëherë. Ju të tillë e ju të atillë, ju kështu e ju ashtu. Unë i ndershmi, ju hajdutët, unë i pastri, ju të tillë. 
Duhet të bëni një analizë. 

Nëse bëni një analizë të fytyrave të asamblesë, ajo tregonte një terror që ai ushtroi ndaj anëtarëve të asamblesë. Aspekti i parë ky. Bashkë kemi vjedhur, por burgu është për ju, e jo për mua. Ky ishte morali.
E dyta, zëvendësimet. U tha shqiptarëve se jeni të pashpresë nëse nuk merrni në dorë fatin tuaj. Kë solli në qeveri, më thoni pak. 

Solli përfaqësuesin zyrtar të Ndragheta-s në Tiranë, Maznikun. Njeriun që me ‘Eco Tiranën’ ka pasur ortak Miljorancin e Veronës, bosin e Ndragheta-s sipas autoriteteve italiane. 
Çfarë është Arbjan Mazniku? Është ikona më e shëmtuar e zyrtarit të babëzitur që merrte 12 rroga si nënkryetar bashkie”, tha Berisha