Ish-prokurori Beci flet për “kasapët” e Onkologjikut : Kjo është vepra penale që kanë kryer mjekët

Eugen Beçi, ish-Kreu i Prokurorisë së Krimeve të Rënda, ka zbërthyer operacionin e Prokurorisë së Tiranës, e cila zbuloi skandalin te Onkologjiku. Ai ka treguar veprat penale me të cilat kemi të bëjmë.

Beci tha se nga ky hetim zbulohen një seri problematikash jo vetëm me kontrabandimin e ilaçeve, por disa veprime të kundraligjshme, përfshi edhe atë aparaturën e kobaltit.

“Nuk kemi vetëm shpërdorim detyre, por edhe korrupsion. Dhe ky i fundit është një vepër penale që e thith atë të shpërdorimit të detyrës”, tha Beçi.

Ai u shpreh se në rastin konkret, kur thuhet se pacientëve nuk u është dhënë sasia e duhur e medikamentit, nuk mund të themi se mjeku ka dashur të bëjë vrasjen, por mund të klasifikohet si “neglizhencë gjatë mjekimit”.