“Arkitektë të kësaj lufte barbare”/ Kryeministri i Kanadasë vendos sanksione ndaj Putinit dhe Lavrovit

Kryeministri i Kanadsë, Justin Trudeau ka njoftuar se do t’i bashkohet SHBA-së, Britanisë së Madhe dhe BE-së në vendosjen e sanksioneve kundër presidentit rus Putin dhe ministrit të Jashtëm Sergei Lavrov.

Duke folur në një konferencë shtypi në Parlamentin Hill të Otavës, ai tha se “pasuria personale e Putinit… është në rrezik të konsiderueshëm për shkak të gabimit të tij të tmerrshëm”.

“Ne do të vendosim sanksione ndaj Presidentit Putin dhe kolegëve të tij arkitektë të kësaj lufte barbare”, tha ai, duke shtuar se sanksione do të vendosen edhe ndaj liderëve të Bjellorusisë për shkak të mbështetjes së tyre për pushtimin e Rusisë.