ASKËND PËR TË HUMBUR, GJITHËKËND PËR TË FITUAR

Kandidati per garen e kreut te PD Astrit Patozi ka

nje mesazh per mbeshtetesit dhe simpatizantet e tij demokrate. Ja cfare ka shkruar para pak minutash:

ASKËND PËR TË HUMBUR, GJITHËKËND PËR TË FITUAR

Të nderuar miq,

Gjatë këtyre ditëve, e sidomos sot, kam marrë shumë mesazhe mbështetjeje. Në pamundësi për t’ju kthyer të gjithëve përgjigje, ju falenderoj nga zemra për inkurajimin.

Më vjen mirë që e mendoni si unë nevojën e madhe për ringritjen e Partisë Demokratike.

Është e vetmja shtysë që më frymëzon mua dhe shumë kolegë të tjerë, të cilëve u jam shumë mirënjohës, në këtë përpjekje. Kam vetëm një thirrje për ju të gjithë:

Ky është një konkurrim brenda nesh, që ka vetëm një synim, garën e ndershme dhe bashkimin e Partisë Demokratike.

NUK KEMI ASKËND PER TË HUMBUR, DHE DUHET TË MARRIM GJITHËKËND PËR TË FITUAR.

Me shumë respekt dhe konsideratë ASTRIT PATOZI