Kim Mehmeti: Rama po qeveris si prezantues… po e bën vendin të pabanueshëm për rininë shqiptare.

Kim Mehmeti, ka qenë një nga mbështetësit më të fortë të Edi Ramës para se ky i fundit të vinte në pushtet.

Por vite pasi Rama është bërë kryeministër, e ka cilësuar qeverisje e tij të sotme si pjesëmarrje në spektakël televiziv, ku kryepersonazh është kryeministri, e gjithë të tjerët ‘dublantë’ të tij.

‘Në Shqipëri, veprimtaria politike kryesisht përjetohet si pjesëmarrje në spektakël televiziv, ky kryepersonazh është kryeministri, e gjithë të tjerët ‘dublantë’ të tij, në spektakël që duhet ta mbulojë të vërtetën se vendi është duke u bërë i pabanueshëm për rininë shqiptare.

Po pra, shumica e politikanëve të ‘Shqipërive’ tona, ndryshe-ndryshe e përjetojnë veprimtarinë politike, por njësoj lezeçëm e shijojnë ‘hajdutokracinë’!’, ka shkruar Mehmeti në faqen e tij në Facebook. /TPZ