KQZ propozon datën e zgjedhjeve në Bashkinë e Rrogozhinës

Komisioni Qendror i Zgjedhjeve (KQZ) ka propozuar datën 23 korrik 2023 për ripërsëritjen e zgjedhjeve në Bashkinë e Rrogozhinës. Vendimi përfundimtar për caktimin e datës së zgjedhjeve do të merret të hënën, gjatë seancës së radhës të KQZ-së.

Në zgjedhjet lokale të mbajtura më 14 maj 2023, socialisti Edison Memolla triumfoi në bashkinë Rrogozhinë me 21 vota diferencë nga kandidati i opozitës, Shkëlqim Hoxha. Megjithatë, më 15 qershor, Kolegji Zgjedhor vendosi të shpallë të pavlefshme zgjedhjet vendore në Bashkinë e Rrogozhinës, duke pranuar kërkesën e koalicionit “Bashkë Fitojmë” për ripërsëritjen e votimeve.