Vrau 8 persona me automatik dhe u arratis, ky është autori i dyshuar në Serbi

Një 21-vjeçar i identifikuar si Uroš B., dyshohet se është autori i masakrës së radhës në Serbi ku janë vrarë të paktën 8 persona dhe janë plagosur 13 të tjerë.

Sipas mediave serbe 21-vjeçari ka qëlluar me armë në fshatin Dubone, Malo Orašje dhe afër Smederevës pranë një këndi lo ku mblidhen vazhdimisht të rinjtë.

I riu ka qenë duke lëvizur me makinën e tjj “Mercedes” kur ka qëlluar me automatik ndaj 18 personave. Raportohet se ai ka vrarë një polic dhe motrën e tij më të vogël.

I riu dyshohet se ka shkuar në shtëpi, ka marrë një kallashnikov dhe ka qëlluar mbi njerëzit pas një debati me shokët e tij në oborrin e shkollës në Dubonë. Ngjarja ka ndodhur rreth orës 23:00.

Pasi ka plagosur disa persona, 21-vjeçari ka hipur në makinë dhe ka shkuar në fshatrat përreth duke qëlluar nga brenda mjetit mbi njerëzit. Ai u largua me një mjet tip Mercedes pas masakrës dhe u fsheh tek daja i tij.

Ai është kapur nga forcat e policisë mëngjesin e së premtes në afërsi të Kragujevcit në fshatin Vinjishtë.

I riu qëlloi me pistoletë dhe automatik duke u marrë jetën 8 personave. Të plagosur mbetën 13 persona, mes tyre 7 në gjendje të rëndë për jetën.

Gjatë kontrollit në banesën e autorit të dyshuar, policia serbe zbuloi arsenal armësh dhe municione.